தப்பித்தேன் நான், தொடர்ந்து வருவேன் !!!!!

உங்க பாருங்க யாழ்ப்பாணத்தில முக்காவாசி புகையிரத கடவையல் வெறும் சிவப்பு மஞ்சள் லைட்டால தான் கொன்ரோல் பண்ணுறாங்கள். கிட்டப் போனா "பாம் பாம்" எண்டும் கத்தும் சிவப்பு லைட் எரியேக்க. 

நான் வழமையா வேலைக்கு போற டைம் ரெயின் ஒன்னும் வராத படியா நான் அத பெரிசா கவனிக்கிறதே இல்லைங்கோ.

நேத்து எனக்கு நாள் முழுசா செத்த வீடுங்கோ ! ஒண்ணுமே விடியல... அதல கடவுளே இண்டைக்கு நாள் நல்லா வரட்டும் எண்டு மட்டும் மனசில நினைச்சுக் கொண்டு நான் வீட்ட இருந்து வெளிக்கிட்டு என்ர சாதாரண வேகத்தில ( 90 கீ.மீ ) துண்டி சந்தியால தபால் கட்டை செம்மணி தொட்டு பருத்துறை ரோட்ட பிடிச்சு போறத்துக்கு துண்டி சந்தியால திரும்புறேன். 

துண்டியால திரும்பினா வாற சிக்னல் லைட் கிட்ட போனாத்தான் தெரியும். அப்ப நான் அடிச்சள்ளிக் கொண்டு போகேக்க பத்து மீட்டர் இடைவெளி எனக்கும் ரெயில்வே கடவைக்கும் இருக்கேக்க "பாம் பாம்" எண்டு சிக்னல் கத்துது என்னடா கோதாரி எண்டு சிக்னல் லைட்ட பாத்தா சிவப்பு எரியுது !!!

திரும்பி யாழ்ப்பாணப் பக்கம் பாத்தா ஒன்னும் இல்ல வவுனியா பக்கம் பாக்க யாரல் தேவி "குச்சு பக்கு குச்சு பக்கு கூ..." எண்டு கூவிக்கொண்டு வாறார். சரி செத்தாண்டா சிவனாண்டி எண்டு நினைச்சுக் கொண்டு பின் பிரேக்க அமத்திக் கொண்டு முன் பிரேக்க கொஞ்சம் கொஞ்சமா அமத்தி புல்லா அமத்தி கொண்டு பின் பிரேக்க லூஸ் பண்ண......

முன்சில்லு முன் பிரேக்க புல்லா பிரேக் அடிச்ச இடத்தில நிக்குது பின் சில்லு தூக்கி 90 பாகை திரும்பி பைக் ரோட்டுக்கு குறுக்கா நிண்டுது. 

சப்பா ...............

இப்ப எனக்கும் ரெயினுக்கும் இடைல உள்ள வித்தியாசம் வெறும் 75 சென்ரி மீட்டர் தான் .............

நான் மட்டும் இண்டைக்கு அடி பட்டு இருந்தா சனம் சொல்லும் 

1. காதல் பிரச்சனை போல

2. காசு பிரச்சனையாம்

3. அப்பாவோட சண்டையாம் 

4. மூளை சரியில்லையாம் 

நியூ யப்னா காரன் வளைச்சு வளைச்சு போட்டோ எடுத்து போடுவான், செய்தில கண் மூக்கு நாக்கு எல்லாம் வச்சிருக்கும். எவ்வளவு பிரச்சனை ??? 

பூலோகம் செலவுக்கு காசில்லாம யோசிச்சுக் கொண்டு இருக்கும் ......

நான் இண்டைக்கு தப்பினத்துக்கு காரணம் சத்தியமா சொல்லுறன் டிஸ்கவரி புரோகிராம் தான். அதில தான் சொன்னாங்கள் சடின் பிரேக் போட்டா கொன்ரோல் இல்லாம போயிடும் எண்டு !!!

இண்டைக்கு தப்பின படியா நண்பர்களே என் தொல்லை தொடரும் !!!!!! 

அந்த சீன யாரும் வீடியோ பண்ணி இருக்கோணும் ஒரு நாளல்ல மில்லியன் வியு வந்திருக்கும். சிக் அதில ஒரு CCTV காமரா இல்லாம போயிட்டு ............

09th September 2015